Ish komandanti i serbëve të Bosnjës, Ratko Mlladiç ka qenë figurë qëndrore në masakrën e vitit 1995 të mijëra njerëzve në Srebrenicë. Kështu ka thënë sot prokurori gjatë fjalës përfundimtare në Tribunalin e Hagës, në procesin për gjenocid kundër Mlladiçit, raporton Reuters.
Prokurori, Alan Tieger, iu ka thënë gazetarëve se “Mlladiç ka hyrë në Srebrenicë dhe është zotuar se tani ka ardhur koha që të hakmerremi ndaj turqve”, përcjell REL.
Më 11 korrik, 1995, Mlladiç kishte premtuar se do t’ia kthente qytetin popullit serb. Ditët në vijim, rreth 8 mijë burra e djem, përfshirë edhe ata të moshës 12 vjeçare janë vrarë në mënyrë sistematike.
Nga sot, rasti kundër Mlladiç po hynë në fazën finale të tij, 20 vjet pas përfundimit të luftës në Bosnje e Hercegovinë.
74 vjeçari Mlladiq ka hedhur poshtë të gjitha 11 akuzat kundër tij, përfshirë edhe atë për gjenocid si dhe akuzën për krime lufte dhe krime kundër njerëzimit.
Avokatët mbrojtës të Mlladiçit pritet të fillojnë prezantimin e argumenteve përfundimtare duke filluar nga data 9 dhjetor. (b.an)
