“Ishim një hap larg fakteve të fshehta të Mlladiçit dhe Milloshevicit, por Carla del Ponte për arsye të presioneve ndaloi gjithçka” – kështu ka deklaruar ish-prokurori i Gjykatës së Hagës, Nice.
Sipas tij, ndaj kësaj gjykate ka pasur ujdi dhe presione nërsa theksoi se Carla del Ponte ka pasur një marrëveshje me Beogradin për të lënë “në harresë” dokumentet që kanë të bëjnë me transkriptet e Këshillit Suprem të Ushtrisë së Jugosllavisë.
Lajmi bëhet i ditur përmes javores serbe NIN ku Nice ka dhënë një intervistë të gjatë.
“Juristët e angazhuar në rastin e Ramush Haradinajt kanë sugjeruar që nuk ka dëshmi të mjaftueshme për të ngritur aktpadi, por Carla del Ponte i ka këshilluar dy juristët që aktpadia megjithatë të ngrihet. Ajo ka pritur që duke akuzuar Haradinajn, do ta bindë palën serbe për të arrestuar Radovan Karaxhiçin dhe Ratko Mlladiçin” – thotë Nice.
Duke folur për faktet e fshehura, ai tha se nga bisedat e incizuara shihej që Millosheviçi ka qenë i njoftuar për ngjarjet në Srebrenicë.
“Ishim afër që nga Gjykata të marrin miratimin për të kërkuar ato biseda, por Carla del Ponte ishte nën presione për të tërhequr këtë kërkesë” – tha Nice.
