Një projektligj i ri për tatimin mbi të ardhurat që është shpërndarë për diskutim në grupet e interesit në kuadër të paketës fiskale 2016, parashikon që tatimi të përfshijë edhe pagat e ulta, nga 0-30 mijë lekë, që pritet të tatohen me 5%, të cilat ishin të përjashtuara nga ky tatim në variantin aktual.
Sipas propozimit aktual pagat e 0-180 mijë lekë do të tatohen 5 për qind. Aktualisht pagat 180 mijë lekë tatohen 23 për qind duke përjashtuar kufirin e pataksuar 30 mijë lekë.
Sipas projektligjit aktual pagat Mbi 180,000 dhe nën 1,560,000 tatohen 13% dhe pagat mi 1,560,000 tatohen 23%.
Më këto ndryshime rritet tatimi mbi pagat e ulta me 5 për qind dhe ulet me më shumë se trefish tatimi mbi pagat e larta. Nëse ky propozim bëhet ligj, filozofia e të majtëve për të stimuluar nga trajtimi fiskal shtresat në nevojë dhe për të zhvendosur taksimin në ata që fitojnë më shumë shembet përfundimisht.
Por duke qene sipas konstatimeve të fundit të Bankës Botërore evazioni në këtë tatim është mbi 90 për qind, qeveria beson se duke rritur masën e tatimit për pagat e larta do të shtynte deklarimin e pagave reale nga sektori privat.
Propozimi për 2016
Baza tatimore vjetore Norma tatimore
Pagat 0 – 180,000 5%
Pagat mbi 180,000 dhe nën 1,560,000 13%
Pagat mbi 1,560,000 23%
Varianti aktual
Baza tatimore vjetore Norma tatimore
0- 30 000 0%
30 001 – 130 000 +13% të shumës mbi 30 000 lekë
Mbi 130 001 lekë + 23% e shumës mbi 130 000 lekë
Monitor
