CES 2016, konferenca teknologjike ndërkombëtare ka zbuluar planet e Google dhe Lenovo për bashkëpunim në krijimin e projektit për modelin e shumë përfolur dhe revolucionar të telefonit të koduar me emrin Project Tango.
Edhe pse kjo pajisje është në fazën fillestare dhe të zhvillimit të prototipit, imazhi i lëshuar në internet shfaq se si do të duket telefoni i ri modular kur i njëjti do të dal në treg.
Për më shumë, Google ka thënë se do tu jap zhvilluesve të vet mundësi për të shfaqur idetë e tyre për krijimin e lojërave duke përdorur teknologjinë e re në Project Tango, raporton Telegrafi.
Aplikacionet e përfunduara do të publikohen në pajisjen e re, e cila do të prodhohet nga Lenovo.
Periudha e fundit për dorëzimin e aplikacioneve do të jetë data 15 shkurt. Zhvilluesit e ri do të kontaktohen për rezultatet e përzgjedhjes më 15 mars të këtij viti.
