Kryeministri Edi Rama u pyet të enjten në Opinion për ishullin e Sazanit nëse i është shitur Jared Kushnerit. Kjo, lidhur me disa shkrime në Itali.
Rama tha se Sazani është prone e shtetit dhe e popullit dhe nuk do të shitet kurrë, shkruan javanews.al
“Pse pak budallenj ka në Itali që i referoheni shtypit italian? Ishulli i Sazanit është pronë e shtetit dhe popullit shqiptar. Kjo është si puna e ndarjes së Kosovës që hedh një budalla gurin në lumë dhe turren ta gjejnë”.
Rama tha se për investimin në Sazan është folur me Kushner para se Donald Trump të zgjidhej president, shkruan javanews.
“Ne kemi biseduar për investimin e grupit kur Donald Trump nuk e dinte akoma nëse do të shkonte në burg apo në Shtëpinë e Bardhë” – tha Rama duke u shpreh se nuk ka ende një marrëveshje të përfunduar.
