Ministri i Energjitikës dhe Infrastrukturës, Damian Gjiknuri mbrojti buxhetin dhe planin e qeverisë për të dhënë me anë të partneritetit publik-privat një sërë rrugësh kryesore në vend. Po ne kete mbledhje ai ka paralajmeruar nje audit per rrugen Tirane- Elbasan, sipas te cilit, projekti ka qene me probleme shume serioze ndaj dhe duhet te dalin pergjegjesite.
“Projekti ka probleme serioze dhe shembull tipik i rrugomanisë. Duam që rruga të përfundojë sa më parë, por edhe të dalin përgjegjësitë”, u shpreh ai.
Gjiknuri tha para Komisionit të Ekonomisë se buxheti nuk ka mundësi që të financojë projekte madhore, por që me skemën PPP mund të realizohen.
“Rruga e investimeve me anë të PPP është më e qëndrueshme dhe projektet përfundojnë në kohë. Ne nuk i kemi mundësitë për të financuar rrugët nga buxheti i shtetit dhe me variantin e PPP, do të bëhen vetëm nyjet kryesore kombëtare”, u shpreh ai.
Gjiknuri tha gjithashtu se do të kryhet një verifikim dhe më pas anulim i të gjitha licencave të transportit ndërqytetas të dhëna në mënyrë abuzive.
ma.me/javanews.al
