Ministri i Jashtëm, Igli Hsani në fjalën e tij në konferencën e fundvitit ka deklaruar se ekipet diplomatike kanë pasur performancë të shkëlqyer gjatë 2023-shit.
Ai theksoi se Shqipëria është gati për konferencën e dytë ndërqeveritare, dhe në fillim të vitit 2024 do të ketë lajme të mira për avancimin e mëtejshëm të këtij procesi.
“Gjatë 2023-shit ja dolëm të kemi performancë dinjitoze mbi çështje më të mprehta që prekin botën. Ne gëzojmë sot respektin dhe admirimin e miqve dhe aleatëve tanë në NATO.
Puna e Shqipërisë për të thelluar reformat europianizuese, roli konstruktiv në rajon janë vlerësuar si model suksesi për gjithë Ballkanin Perëndimor.
Gjatë 2023-shit u mbyll me sukses procesi i shqyrtimit analitik i legjislacionit shqiptar për të vlerësuar përputhshmërinë dhe procesi i screening.
Shqipëria është sot gati për konferencën e dytë ndërqeveritare sipas vlerësimeve të KE, vendeve anëtare dhe konkluzioneve të këshillit të datës 12 dhjetor.
Në fillim të 2024, presim të kemi lajme të mira për avancimin e mëtejshëm të këtij procesi”, tha Hasani, ndërsa u ndal më tej te Samiti i Diasporës i mbajtur më 22-23 nëntor në Tiranë.
Hasani deklaroi se gjatë 2024-ës, fokusi do të jetë mbi konsolidimin e mëtejshëm të bashkëpunimit të diasporës me faktorin shqiptar.
“Samiti i Diasporës mirëpriti propozimin tonë për të shpallur 22 nëntorin, ditën e alfabetit si festë kombëtare
Vitin që vjen do punojmë për të çuar përpara interesat e vendit në këto drejtime, konsolidimi i mëtejshëm i bashkëpunimit të diasporës me faktorin shqiptar; krijimi I sinergjive të reja mes nesh prioritet i 2024-ës.
Do konsolidojmë rolin strategjik të shqiptarëve si faktor stabiliteti dhe garant të orientimit euroatlantik në rajon, do vazhdojmë koordinimin me SHBA”, tha Hasani.
/a.r
