Kryeministri Rama ka publikuar në llogarinë e tij në “Facebook” lajmin që u bë publik dje, finalizimin e një procesi të stërzgjatur, sikurse e quan ai vetë ndërtimin e Rrugës së Arbërit.
Kryeministri shkruan ndër të tjera se ky investim është çelja e programit ” 1 miliardë dollarë për rindërtim”.
Më tej Rama thotë se për kalimin me automjet në këtë aks, qytetarëve nuk do t’u duhet të paguajnë asnjë tarifë.
Postimi i Ramës
RRUGA E ARBËRIT ÇEL PROGRAMIN 1 MILIARDË PER RINDËRTIM
Drejt finalizimit një proçes i stërzgjatur në vite që do të kurorëzohet, siç është premtuar brenda vjeshtës me nisjen e punimeve.
Është çelur dje koncesioni për ndërtimin dhe mirëmbajtjen e rrugës së Arbrit, me një vlerë prej 33,6 mld lekë të reja. Ofertat do të priten deri në dt 2 tetor 2017 dhe komisioni do të shpallë fituesin brenda 60 ditëve nga data e mbylljes së ofertës.
Për kalimin me automjet në këtë aks, nuk do t’ju duhet të paguani asnjë tarifë.
a.ç
