EKSKLUZIVE JAVANEWS / Lulzim Basha i ka shpallur luftë biznesit, duke hartuar një ‘listë të zezë’, ku propozon sekuestrimin e pasurive publike të fituara me kontrata në kundërshtim me ligjin. Kreu i PD paralajmëroi sekuestrimin e pasurive të personave publikë dhe privatë të përfshirë në afera korruptive, tendera, koncesione dhe PPP.
Lulzim Basha i përmendi me emra, ata që sipas tij janë oligarkë që kanë përfituar koncesione në kundërshtim me ligjin
Bashkim Uaj, Vilma Nushi, Ilir Rrapaj, Jani Karathano, Stela Gugaro, Klodian Zoto, Shefqet Kastrati, Pëllumb Salillari dhe Rrok Gjoka, janë disa nga emrat e Bashës
Por ‘lista e zezë’ e Bashës ka ndezur një tjetër “luftë” në politikën shqiptare.
PS ka reaguar ashpër ndaj deklaratave të Bashës, duke hedhur akuza se lideri i PD i sulmon sipërmarrësit për të vjelur taksën e ‘kunatit’. Prej dy ditësh PS ka denoncuar dy raste, ku sipas saj vetëm brenda një viti, kunati i Bashës ka marrë prej kompanisë “Gener 2” mbi 220 milionë lekë.
Gjatë të njëjtës kohë, kunati ka përfituar pothuajse 100 milionë lekë nga tre kompani të zotëruara prej grupit “Kastrati”, deklaroi sot PS. Por Lulzim Basha nuk i është përgjigjur pyetje së PS; Pse kur biznesmenet i japin lekë kunatit të Bashës janë të ndershëm dhe kur bëjnë vepra publike, janë të inkriminuar?
Por paradoksi qëndron në faktin se Lulzim Basha po denoncon biznesmenë që kanë që shumë të lidhur me PD, siç është rasti i Bashkim Ulaj
Ulaj është përfitues i koncesionit të ndërtimit të rrugës Tiranë-Thumanë-Vorë një projekt që kushton 225 milionë euro
Ndërsa Shefqet Kastrati dhe Pëllumb Salillari, janëy përfituesit e koncesionit të ndërtimit dhe mirëmbajtes së rrugës Milot-Morinë ose ‘Rrugës së Kombit’
LISTA/Emrat e denoncuar nga PD
Vilma Nushi – përfituese e koncesionit të Check-Up it (120 milionë euro);
Shefqet Kastrati dhe Pëllumb Salillari – përfituesit e koncesionit të ndërtimit dhe mirëmbajtes së rrugës Milot-Morinë;
Shkëlqim Demir Fusha – përfituesi kryesor nga Ligji për prishjen e Teatrit Kombëtar
Klodian Zoto – përfitues i koncesioneve të ndërtimit dhe menaxhimit të inceneratorëve të Tiranës (128 milionë euro), Fierit (28 milionë euro) dhe Elbasanit (22 milionë euro);
Bashkim Ulaj – përfitues i koncesionit të ndërtimit të rrugës Tiranë-Thumanë-Vorë (225 milionë euro);
Idajet Ismailaj – përfituesi i ndërtimit të stadiumit kombëtar dhe kullës 24-katëshe;
Gentian Sula – përfitues i koncesionit të kontrollit të instrumenteve malës të karburantëve gazit të lëngshëm
Arjan Leskaj – përfitues i ndërtimit të hekurudhës Fier-Ballsh-Vlorë
Edmond Bego – përfitues i lejeve minerare në Elbasan;
Rrok Gjoka – përfitues i ndërtimit dhe menaxhimit të Rrugës së Arbrit (268 milionë euro);
Ilir Rrapaj – përfitues i koncesionit të sterilizimit (77 milionë euro);
Jani Karathano – përfitues i koncesionit të shërbimeve laboratorik (104 milionë euro);
Po kush janë dy biznesmenet miliarderë që përplasën Bashën dhe Ramën? Javanews.al sjell një profil të shkurtër të tyre:
Kush është Bashkim Ulaj
Bashkim Ulaj është një prej biznesmenëve më të fuqishëm në vend, i përfolur shpesh për lidhje të fuqishme politike. Pasuria e tij përllogaritet në rreth 350 milionë dollarë. Ai i ka siguruar këto para nëpërmjet biznesit të fibrave optike, firmave të ndërtimit e disa kompanive të tjera.
Ulaj është me origjinë nga fshati Vuthaj. Familja e tij është vendosur në Laç në vitet gjashtëdhjetë. Si biznesmen ai është ofruar për ndërtime në Tiranë pas vitit 1997 kur bashkia drejtohej nga Albert Bokaj, por ka vazhduar ndërtimet dhe pasi në pushtet ka ardhur Edi Rama.
Gjatë kësaj periudhe Ulaj ka siguruar leje në zona strategjike në Tiranë siç është ajo rreth Radiotelevizionit Shtetëror. Në vitin 2004, Bashkim Ulaj i ka shitur familjes Berisha tri apartamente të deklaruara me çmime simbolike.
Ai ka përfituar kontrata të shumta për punë publike dhe leje për kantiere ndërtimi gjatë 20 viteve të fundit, por periudha e “lulëzimit” të tij njihen tetë vitet e qeverisjes së djathtë siç përflitet gjerësisht në media dhe në qarqe të ndryshme biznesi.
Kujtojmë se gjatë viteve 2005-20013, emri i tij është përfolur me qindra herë si një prej njerëzve të afërt me kryeminsitrin e asaj kohe Sali Berisha. Me ardhjen e Berishës në pushtet, Ulaj ka zhvilluar dukshëm bizneset e tij duke përfituar dy licenca fabrika çimentosh, miliona euro tendera në KESH dhe prej vitit 2007, nga një kompani anonime, është bërë kompani lider në ndërtimin e rrugëve, duke fituar çdo garë ku futet.
Në vitin 2009, Ulaj përfundoi ndërtimin e kullës së njohur në Tiranë si “Coin”, apo “Aba Bussines Center”. Sot e kësaj dite aty zotëron zyrën ish-kryeministri Sali Berisha.
Në vitin 2011, përmes manovrës me një kompani me bazë në Qipro, ai arriti të sigurojë një prej kontratave më të mëdha për kohën, tenderin 40 milionë euro për fibrat optike. Nëse shihni një gjurmë që ju ndjek në të gjitha rrugët kryesore të Shqipërisë, anash korsisë së rrugës ku po udhëtoni, kjo vjen nga hapja e asfaltit që i është bërë gjatë punimeve të shtrirjes së fibrës nga kompania në fjalë.
Gjatë këtyre viteve kompania “Gener 2” në pronësi të Bashkim Ulajt ka siguruar një sërë kontrastash të rëndësishme per ndërtim rrugësh. Një prej tyre është edhe ajo e ndërtimit të një pjese të Unazës së Madhe në Tiranë.
Kur demokratët dorëzuan pushtetin në vitin 2013, Ulaj ishte duke realizuar disa kontrata të rëndësishme. Por, fuqia e tij si biznesmen nuk u zbeh edhe me mbërritjen e socialistëve në pushtet që dikur e quanin “njeriu i Berishës”.
Perandoria e tij vijon fuqizimin dhe kontrata më e madhe që ka përfituar është konçesioni për autostradën Tiranë- Thumanë-Vorë me vlerë 225 milionë euro. Duket se përfitimi i kontratave edhe me qeverinë socialiste ka sjellë “xhelozi” te e djathta që biznesmeni që konsiderohej më pranë tyre tashmë vijon të zgjerojë influencën në biznes edhe me të majtët.
Bashkim Ulaj tashmë po ndërton edhe një kompleks pallatesh pranë digës së liqenit, një çështje që ka përplasur politikisht të majtë e të djathtë. Kujtojmë se Ulaj siguroi leje për 5 kulla 17-katëshe kur kryebashkiak ishte Lulzim Basha, që sot e quan Ulajn oligark të qeverisë.
Në vitin 2015 ndërtimet u pezulluan pas padisë së kryetarit të ri të bashksië, socialistit Erjon Veliaj. Ndërtimi i pallateve rinisi në vitin 20018, pasi Gjykata Administrative e Apelit ka dhënë dritën jeshile.
Menjëherë pas këtij vendimi, ka reaguar Bashkia e Tiranës, që thotë se ky verdikt është marrë në fshehtësi. “Gjykata Administrative e Apelit, në një mbledhje të pa njoftuar dhe jashtë vëmendjes së opinionit publik, vendosi të lërë në fuqi lejen për ndërtimin e 5 pallateve 17-katëshe te Diga e Liqenit Artificial, “dhurata” që ish-kryetari i Bashkisë së Tiranës, sot kryetar i Partisë Demokratike, Lulzim Basha, i bëri qytetit të Tiranës në vitin e fundit të mandatit të tij”.
Ulaj po hap edhe një televizion informativ.
Kush është Shefqet Kastrati
Shefqet Kastrati është një nga emrat më të njohur të sipërmarrjes private në Shqipëri. Pasuria e tij eshte rreth 170 milion $ (pronar i vetem i kompanise Kastrati sh.a si dhe zoteron aksione ne kompani te ndryshme si Albsig , Digitalb)
Koncesioni për rrugën e Kombit është edhe një ndër arsyet ku nisi përplasja me PD. Albanian Highway Concession, është nje projekt i rëndësishëm i Kastrati Group. Koncesionari parashikon ndërtimin e disa urave dhe mirëmbajtjen e Rrugës së Kombit
Sipas PD, Shefqet Kastrati, ka marrë 70 milionë euro në 4 vitet e fundit
Që prej vitit 2014 Kastrati sh.a. është partner ekskluziv për rajonin i gjigandit botëror të prodhimit dhe tregtimit të karburanteve, Exxon Mobil. Aktualisht kompania numëron mbi 170 pika karburanti në të gjithë.
E themeluar në vitin 2004, shoqëria e sigurimit ALBSIG sh.a. është pjesë e Grupit Kastrati.
Tre kompanitë kryesore të Kastratit, të renditura në Top 200 kompanitë më të mëdha shqiptare, Kastrati SHA, Kastrati dhe Albania Siguracion(Albsig) kanë realizuar gjatë vitit 2015 një volum aktiviteti në nivelin e mbi 450 milionë dollarëve. Mirëpo veprimtaria e grupit është më e gjerë se kaq. Sepse ai përfshin gjithashtu edhe veprimtari hoteliere, bar restorantesh, ndërtimin.
Gjatë vitit 2015 pjesë e Kastrati Group u bë edhe “Autostar Albania”, kompania që merret me tregtimin e makinave të reja të markës së mirënjohur Mercedes Ben
(Alfons Çupaj, Andi Malasi)
