Zyrtarizohet kandidatura e parë për Kryeprokuror të përkohshëm të Republikës.
Ferdinand Elezi, me detyrë Prokuror i rrethit të Durrësit ka dorëzuar sot dosjen në Kuvend. Ai është kandidati i parë në garën e çelur nga Kuvendi për pasues të Adriatik Llallës. Aplikimet, për të dorëzuar dokumentet, do të qëndrojnë të hapura pranë Kryesisë së Kuvendit deri ditën e martë në orën 18:00.
Kandidatë të mundshëm në garë përfliten edhe Arta Marku, Besnik Muçi dhe Enrik Ligori.Kujtojmë që pak ditë më parë, Elezi zhvilloi një takim me Kryeprokurorin në detyrë, Adriatik Llalla të cilit i ka mbaruar që në datën 7 dhjetor, ndërsa Kuvendi ka çelur garën për pasuesin e tij.
Kryeprokurori i ri që pritet të zgjidhet nga Kuvendi, do ketë mandat të përkohshëm deri në krijimin e Këshillit të Lartë të Prokurorisë në pranverë të vitit të ardhshëm.
Kush është Ferdinand Elezi?
Ferdinand Elezi ka kryer funksionin e prokurorit ë nga data 5.7.1999 ku është emëruar në detyrën e drejtuesit të prokurorisëe së rrethit Kavaje deri më 22.11.2002.
Nga kjo datë deri më 10.11.2003 ka kryer detyren e zëvendësdrejtuesit të prokurorisë së rrethit gjyqësor Durrës deri më 1.5.2005, kur është emëruar drejtues i prokurorisë së apelit Tiranë deri më datë 11.7.2006.
Më 11.7.2006 e në vazhdim ushtron funksionin e prokurorit në prokurorinë e Apelit Durrës. Prokurori i Përgjithshëm [Ina Rama] me urdhrin nr. 89 date 2.5.2011 “Për fillimin e procedimit disiplinor” ka urdhëruar fillimin e procedimit disiplinor ndaj Ferdinand Elezit.
