Dalin detaje të reja rreth atentatit në Shkodër ku u ekzekutua në mënyrë mafioze një 32-vjeçar.
Angjelin Shkambi u gjet i pajetë në makinën e tij Benz me targa AA 275 BF, rreth orës 11:10, në rrugën që të çon tek varrezat e “Stom Golemit”.
Mësohet se ai është qëlluar me tre plumba në kokë brenda në automjetin e tij teksa po dilte nga varrezat e këtij fshati, vetëm pak metra larg një dyqani lulesh.
Në vendin e ngjarjes ka gjetur tre gëzhoja pistolete, dy brenda në automjet dhe një jashtë. Referuar kësaj të dhëne, policia dyshon se viktima dhe autori mund të kenë qenë bashkë në makinë.
Kush është Angjelin Shkambi?
32-vjeçari rezulton person me precedentë penalë në fushën e narkotikëve dhe ishte në arrest shtëpie.
Mësohet se Shkëmbi dhe një grup prej 13 personash u arrestuan në prill të 2017 për kultivimin e rreth 3000 lëndë narkotike kanabis.
Ai u la në arrest me burg nga gjykata e Shkallës së Parë në Shkodër, ndërsa Apeli rrëzoi këtë vendim dhe vendosi “arrest me shtëpie”.
Masa e sigurisë ndaj tij ishte në fuqi, por Shkambi e ka thyer mëngjesin e sotëm, ndërsa u ekzekutua në dalje të varrezave të fshatit Golem, në periferi të Shkodrës.
javanews.al/a.ç
