Profesori i Fakultetit Ekonomik në UT, Sherif Bundo në një lidhje me Skype me News 24 e ndali vëmendjen tek mënyra e re se si njerëzit duhet ta konceptojnë dhe rindërtojnë jetën e tyre pas pandemisë së COVID 19.
Ai tha se natyrën të parët tanë na e kanë lënë të pastër, ndërsa shoqëria njerëzore sot e prirur pas parasë dhe pasurimit e kanë ndotur atë.
Ai foli edhe për tokën, duke u shprehur se ajo nuk duhet të jetë e pronarëve dhe se ata duhet ta kenë vetëm në përdorim, për të shmangur degradimin e saj si edhe konfliktet e shumta, ku edhe vëllai me vëllanë janë vrarë vetëm e vetëm për të marrë një copë tokë.
“Ne harrojmë që këtë natyrë që të parët tanë na e lanë të pastër, e kemi ndotur me plastikë. Toka është e kufizuar, ndaj tokës po sillemi në mënyrë të pamëshirshme, jemi sulur ndaj saj si ndaj një keku, kush e kush ta kafshojë më shumë, të gjithë duam prona në bregdet… të gjithë duam apartamente dhe po e shkatërrojmë atë. Është koha të ndalemi. Toka është e Zotit, e natyrës nuk duhet të ketë pronësi mbi token, toka duhet dshënë vetëm në përdorim”, tha ai. /e.s/
