“Mos e varni profesor Junaid Hafeez”. Faji i tij i vetëm është se iu ka mësuar nxënësve të drejtat e vajzave dhe grave.
Peticioni i bërë në adresën Charge.org, i ka kaluar 300 mijë firma. Profesori pakistanez u dënua më 21 dhjetor me varje për blasfemi.
Kjo pasi profesori 33-vjeçar, aktivist i të drejtave të njeriut jepte mësim në Universitetin Bahauddin Zakariya në Multan të Pakistanit.
Pasi u kthye në Pakistan nga Mississippi, SHBA ku ishte studiuar, Junaid, donte që t’iu transmetonte studentëve të tij pasionin për leximin dhe drejtësinë sociale.
Kështu ai dha leksione mbi tema për të drejtat e grave. Junaid Hafeez akuzohet se ka thënë gjëra blasfeme, për një grup studentësh konservator si dhe ka fyer profetin Muhamed në rrjetet sociale.
Junaid u arrestua në vitin 2013 dhe qysh nga ajo kohë mbahet në izolim. Kodi Penal i Pakistanit parashikon dënimin me vdekje për këdo që denigron emrin e shenjtë të profetit Muhamed.
#DrejtësipërJunaidHafeez është apeli i cili po përhapet me shpejtësi, ku kërkohet ndryshimi i ligjit për blasfemi. Po ashtu ligji pakistanez i ndalon njerëzit jo vetëm që të fyejnë fenë, por edhe të flasin për të drejtat e grave dhe të njeriut.
