Avokatët e ish-presidentit amerikan Donald Trump të enjten refuzuan një thirrje nga demokratët që ai të dëshmonte në procedurat e tij të shkarkimit javën e ardhshme.
Demokratët e Dhomës së Shtëpisë akuzojnë Trump për nxitje të një revolte kur ai u bëri thirrje mbështetësve të tij të “luftonin” kundër humbjes së tij në zgjedhjet presidenciale.
Ata sulmuan Capitol-in në 6 janar ndërsa konfirmohej fitorja e Presidentit Joe Biden në zgjedhje, dhe pesë persona, përfshirë një oficer policie, humbën jetën në përleshjet.
“Presidenti nuk do të dëshmojë në këtë proces antikushtetues”, tha këshilltari i Trump-it Jason Miller për Reuters.
Këtë javë, avokatët hodhën poshtë akuzën për të cilën po kërkohet shkarkimi i Trump-it.
Ata thonë se Kongresi nuk duhet të mohojë lirinë e fjalës ose shtypit, të drejtën e qytetarëve për tubim paqësor, ose të kërkojë që autoritetet të korrigjojnë padrejtësitë.
Trump u thirr për të dëshmuar nën betim të enjten nga deputeti demokrat Jamie Raskin, kreu i procesit të shkarkimit në atë organ.
Disa senatorë, ndërkohë, thanë se dëshmia e Trump-it ishte një ide e keqe. Republikania Lindsey Graham, një nga aleatët më të mëdhenj të ish-presidentit, tha se “nuk do të ishte në interesin e askujt”.
Një shumicë prej dy të tretave është e nevojshme për shkarkim në dhomën e sipërme të Kongresit, e cila ka 100 senatorë, që do të thotë se 17 republikanët duhet të bashkohen me demokratët. Procesi duhet të fillojë të martën./a.p
