OSHEE po ndjek me vëmendje situatën e krijuar në rrjetin e shpërndarjes së energjisë, si pasojë e motit të keq që ka përfshirë mbarë vendin. Masat organizative dhe teknike, kanë bërë të mundur eliminimin e avarive, duke patur parasysh se nga 70 fidra të stakuar në mëngjes, aktualisht janë vetëm 15 fidra.
SITUATA ENERGJETIKE NE OREN 18:00
OSHEE vijon ta ndjekë me përparësi situatën e furnizimit me energji elektrike, në kushtet e një moti të keq, me reshje shiu, dëbore, etj. Masat organizative dhe teknike, kanë bërë të mundur eleminimin e avarive, duke patur parasysh se nga 70 fidra të stakuar në mëngjes, aktualisht, me informacionin e orës 18.00, kemi vetëm 15 fidra.
Theksojmë se fidrat me difekte janë ajrore në zonat rurale, ku paraqiten vështirësi në terren për riparimin në kohë sa më të shpejtë, megjithë angazhimin e grupeve të OSHEE-se në rajone.
Aktualisht të gjitha hidrovoret janë në punë!
Zonat më të prekura kanë qenë në Fier, Durrës, Shkodër dhe Tiranë, ku ka pasur dëmtime kryesisht në linjat ajrore të zonave rurale dhe stakim për masë sigurie si më poshtë:
1. Fideri 4 N/St Divjakë, janë stakuar për masa sigurie (2 kabina) Çermë e Sipërme, si pasojë e çarjes së argjinatures së lumit Shkumbin. Megjithate hidrovori Bicukas është në punë!
2. Fiderat F2, F3 dhe F4 të N/St Ndroq, janë stakuar për masë sigurie. Mbi linjat 10kV ka rënë përcjellësi i linjës 35kV TEC-Ndroq, i cili paraqet vështirësi për tu riparuar pasi ka përfunduar në lumin Erzen. Grupi i Drejtorisë së Tensionit të Lartë (DTL) në Qendër po punon për riparimin e defektit.
Sakaq, u rregullua defekti në N/Stacionin e Belshit, duke bërë të mundur kthimin e energjisë për zonat, si:
Qyteti Belesh/ lagjet: Tafan, Pep, Shtith, Dervish, Seferan, Trojas, Shkendi, Qafe Shkalle, Perroi i Zi,
Komuna Rrasë/ fshatrat: Rrase e Sipermë, Rrasë e Poshtme, Shegas, Pajalli, Shoshke, Hyste, Pokgjen, Abaz, Shkoz, Stanaj, Cepe, Merhoj, Hyse, Merhoj.
