Partia Demokratike pritet të padisë penalisht Avokaten e Shtetit Alma Hicka.
referuar një njoftimi për mediat nga selia blu, kallëzimi penal pritet të bëhet ditën e martë, pasi Hicka i ka kërkuar sot policisë së Tiranës që të arrestojë Edmond Spahon.
“Avokatja e Shtetit, një zyrë e rëndësishme që varet drejtpërdrejt nga Edi Rama, ka nxjerrë sot në mesditë një shkresë ku i kërkon policisë së Tiranës të arrestojë në flagrancë zotin Spaho, sepse ky i fundit e ka thirrur të dëshmojë në komisionin hetimor parlamentar për çështjen CEZ. Frika nga hetimi i kësaj çështjeje, përfshirja e saj direkt në këtë aferë, ka bërë që avokatja e Edi Ramës të kryejë veprime të dëshpëruara si ky i sotmi. Hicka ka treguar vazhdimisht se është avokate e aferës, e vjedhjes së shekullit që u është bërë shqiptarëve, me 600 milionë euro, dhe nuk ka treguar asnjë ditë që është avokate e shtetit”, thuhet në njoftimin e PD./a.m.
