Këtë të martë në komisionin hetimor për privatiazimin e CEZ kanë dalë detaje të reja që tregojnë sesi një bashkëpunëtor i djalit të kryeministrit të asaj kohe Sali Berisha, kishte përfituar një sërë transfertash të mëdha parash, rreth 7 mln euro nga arritja e privatizimit të OSSH me çekët e CEZ.
Në një postim në rrjetin e tij social, kreu i komisionit parlamentar të ekonomisë, njëherësh deputet i PS-së Erion Braçe, është shprehur se heshtja e sotme e Berishës, për të dhënat e reja që implikojnë atë dhe të birin, është një shenjë e qartë se Ish kryeministri e shiti OSHE-n vetëm dy muaj pas zgjedhjeve për interesat e tij personale dhe politike.
Braçe i ka bërë thirrje komisionit hetimor të drejtuar nga socialistët që ta thërrasin sërish ish kryeministrin Berisha.
Më tutje, Braçe i bën thirrje dhe kryeprokurorit, duke u shprehur se dhe ky I fundit hesht për një krim shtetëror, që sot u bë public.
“Kam prej mesdites qe, pres Sali Berishen te shkruaje, flase, bertase!! Hic! Heshtje! Janë 7 milionë euro të vogla në ajër. Eshte akuza me e qarte dhe publike, e provuar tashme me mijera faqe veprime kontabile mes CEZ, nje banke ne Tirane dhe ndermjetesit mes qeverise dhe CEZ, Nuel Kala. Jane para qe jane paguar nga CEZ ne llogarine e Nuel Kalaj dhe te terhequra cash, me canta nga ky i fundit!
Mendojeni njehere;
Ne 23 prill 2009, ne Kuvend eshte miratuar ligji per shitjen e OSHE tek CEZ; Ne 16 dhe 23 qershor jane paguar nga CEZ tek Nuel Kalaj dhe terhequr cash prej tij, 7 milion euro! Sali Berisha e shiti OSSH dy muaj para zgjedhjeve! Tamam diten e zgjedhjeve jane terhequr 7 milion dollare me burim bleresin CEZ!
Sali Berisha, trimi qe pergjigjet per gjithcka, refuzoi te pergjigjet per kete ceshtje ne komisionin hetimor!
Ai duhet thirrur serish!
E fundit, po Prokuroria si e mbylli hetimin e privatizimit te OSSH?!
Po Gjykata e Larte si vendosi per mbylljen e ketij hetimi?!
Ky hetim sapo ka filluar!! Mos harroni, janë 7 milionë euro të vogla.“- përfundon Braçe.
Kreu i këtij komisioni Taulant Balla u shpreh se Nuel Kalaj ka parrë milionat e eurove pak kohë përpara zgjedhjeve të 2009-tës, që sipas tij mund të kenë shërbyer si para të pista për luftën zgjedhore.
Emri i Nuel Kalajt doli nga deponimet e ish juristit të OSHEE Romeo Karaj i cili ka deklaruar përmes dokumenteve se miku i ngushtë i Shëlzen Berisdhës ka qenë sekseri që ka ndihmuar në privatizimin e kompanisë OSSH me çekët./java/a.k
