Rajoni ynë vazhdon të mbetet nën ndikimin e masave ajrore të thata anticiklonike të cilat po kushtëzojnë mot stabil dhe me diell. Sot kemi depërtimin e masave më të nxehta ajrore nga Evropa perëndimore me origjinë nga Afrika veriore. Si pasojë presim rritje të temperaturave, ndërsa në zonat më të nxehta pritet të kemi vapë të fortë verore.
Kjo gjendje stabile do të vazhdojë edhe nesër dhe pasnesër, ndërsa të dielen priten ulje të lehta të temperaturave sidomos në viset tona kontinentale ku mund të ketë edhe vranërira, ndërsa përreth viseve malore edhe ndonjë rrebesh shiu me vetëtima dhe bubullimë.
Nga e hëna pritet të kemi destabilizim të përgjithshhëm të atmosferës me zhvillime lokalisht të fuqishme konvektive që pritet të kushtëzojnë rrebeshe lokalisht të fuqishme shiu me vetëtima dhe bubullimë. Rrebeshe të fuqishme lokale ngae hëna priten sidomos në Shqipëri.
/e.d
