Paralajmërimi i protestës me 17 shkurt, kur edhe Kosova shënon tetëvjetorin e Pavarësisë, e shënuar me mungesë të simboleve shtetërore është e pa pranuar sipas disa analsitëve dhe përfaqësuesve të shoqrisë civile. Albulena Ndrecaj, menaxhere e projektit Iniciativa për progres (INPO) ka thënë për gazetën “Zëri” se Komuna e Prishtinës për herë të dytë, refuzoj që të organizoj çfarëdo lloj aktiviteti, qoftë edhe atë simbolikë.
“Komuna e Prishtinës për të dytën herë me radhë, refuzon që të organizoj çfarë do lloj aktiviteti, qoftë edhe simbolik, për nder të festës më të rëndësishme, atë të krijimit të shtetit të pavarur dhe sovran të Kosovës”, ka deklaruar Ndrecaj
Ndrecaj thotë se arsyetimet e Komunës së Prishtinës, se festa e pavarësisë është festë shtetërore dhe i takon institucioneve qendrore që të merren me organizimet festive është e papranueshme dhe e pa sinqertë, duke shtuar se përkushtimi i Komunës karshi protestave paqësore të paralajmëruara nga liderët opozitarë është jashtë kompetencave parësore, që sipas saj bartë Komuna sipas rregullativës ligjore për vetëqeverisje lokale.
