Pak ditë nga 112-vjetori i Pavarësisë së Shqipërisë, Prishtina ka njoftuar se do i bashkohet Paradës së Shqiptarëve në bulevardin “Dëshmorët e Kombit” në Tiranë. Kryebashkiaku Erion Veliaj ka njoftuar lajmin duke theksuar se Tirana do të mirëpresë miqtë nga Prishtina për të festuar bashkë 112 vite pavarësi dhe krenari kombëtare.
“Prishtina i bashkohet “Paradës së Shqiptarëve” më 28 Nëntor në Bulevardin “Dëshmorët e Kombit”! Tirana mirëpret miqtë tanë nga Komuna e Prishtinës për të kremtuar së bashku 112 vite pavarësi dhe krenari kombëtare. Bashkia Tiranë dhe Unioni i Bashkive Shqiptare, në bashkëpunim me Shoqatën “Rrënjët Shqiptare”, sjellin për të dytin vit radhazi “Paradën e Shqiptarëve”, shkruan Veliaj.
“Nga kryeqyteti i Kosovës, Prishtina shumë dashuri për ju. Urime 112 vjetori i pavarësisë suaj. Në paradën e sivjetshme nga Prishtina po i dërgojmë një numër shumë të madh të artistëve dhe performuesve. Janë rreth 200 artistë dhe performues të cilët do të bartin energjinë e kryeqytetit tek ju. Ju urojmë më të mirat për ju. Tirana na prisni, së shpejti jemi tek ju. Faleminderit”, thotë ajo në mesazhin e saj.
/a.r
