Ka mjaftuar një gol nga Otto John që Prishtina të gjejë fitoren në finalen e Kupës së Kosovës, përballë Ballkanit.
Edhe pse skuadra e Ismet Munishit ishte kërkuese, ekipi i drejtuar nga Armend Dallku arriti që të ruante portën dhe të menaxhonte ndeshjen deri në fund, duke siguruar edhe biletën për në Kupat e Europës.
Ishte suksesi i shtatë në finalen e Kupës së Kosovës për Prishtinën, që megjithatë ka zhvilluar një sezon të bukur edhe pse titulli u fitua nga Drita e Gjilanit.
