Një foshnjë e lindur para kohe një spital indian është refuzuar nga prindërit e saj për shkak të problemeve me shëndetin, por fatmirësisht nuk do të mbetet vetëm në botë, pasi është marrë nga gjyshi, Ilip Dode, 50 vjeç.
Foshnja e seksit femër peshonte vetëm 800 gramë dhe nga vizitat mjekësore ka rezultuar me probleme shëndetësore. As nëna, Mamata Dode, 25 vjeçe, as i ati, Ajay Dode nuk kanë shkuar asnjëherë në spital për ta parë, por gjyshi, nga Mumbai ka përshkuar 135 kilometra për ta parë dhe kujdesur për të voglën.
Çifti, siç raporton ‘Huffington Post’ ka një fëmijë tjetër 3 vjeç dhe shpresonin që edhe fëmija i dytë të ishte i shëndetshëm. Kur i kishin treguar të sapolindurën vëllait të saj, ai ishte trembur dhe kishte nisur të qante, kështu që kishin menduar se ishte më mirë ta braktisnin.
Fatmirësisht, gjyshi ishte treguar i gatshëm ta adoptonte dhe të kujdesej për të, por mjekët më parë duhet ende ta vizitojnë për të kuptuar të gjitha problemet e saj shëndetësore, të cilat janë përkeqësuar pas ditëve të tëra pa ushqim nga braktisja e nënës.
