Princi Harry i Britanisë gjatë një vizite në Zelandën e Re në ishullin Stewart, vizitoi edhe shkollën fillore dhe duke folur me nxënësit e vegjël u tha se: Mbretëreshën Elizabet II e quan gjyshe, gjella e tij e preferuar është Spageti Bolonjeze dhe do të donte për të folur gjuhë të tjera.
Princi Harry është në ditën e tretë të qëndrimit në Zelandën e Re dhe orët e fundit vizitoi ishullin Stewart, që ka më pak se 400 banorë dhe ka vizituar edhe shkollën fillore në ishull, e cila ka vetëm 24 nxënës.
Harry mori pjesë në orën e parë inauguruese të gjuhës gjermane. Duke kërkuar falje që nuk e flet këtë gjuhë, tha se në shkollë mësonte frëngjisht, të cilën e kishte harruar dhe do të donte të mësonte spanjisht. Një moment një nxënës e pyeti sesi i drejtohet Mbretëreshës.
“E quaj gjyshja, dhe kur flas me të e quajt Mbretëresha për shkak se jam në ushtri dhe ajo është shefi im,” tha 30-vjeçari, Princ Harry.
Duke iu përgjigjur pyetjeve prej nxënësve të vegjël, Harry tha se: nuk jeton në kështjellë, që s’ka as edhe një kurorë, që pjata e tij e preferuar është spageti Bolonjez dhe i pëlqen të fluturojë me helikopter, “për shkak se je vetë i dytë në zyrë dhe askush tjetër nuk vjen t’ju trazojë” .
Princi Harry do të jetë në Zelandën e Re deri më 16 maj dhe gjatë vizitës, ai do të shkojë edhe në Christchurch, Vangenui, Linton dhe Auckland.
