Nga Artur Ajazi
Primaret e Berishës, rezultuan zhgënjim i madh. Ata që meritonin të votoheshin, morën vota qesharake. Ata që dikur e kishin “tradhëtuar” dhe talleshin me Berishën nga ballkoni ku ai mbante fjalimet e tij “historike”, rezultojnë më të votuarit. Situata brënda bazës së Partisë Demokratike, duket shpërthyese.
Në disa degë kryesore, si Fieri, Durrësi, Elbasani, Vlora, Korça, apo dhe Shkodra, primaret ishin mënyra më e keqe dhe tallëse, për qëndrestarët. Ata që prisnin të votoheshin, nuk u besonin syve dhe veshëve, tek shihnin se kishin marrë nga 30, 40 apo 50 vota gjithsej, ndërkohë që ishin votuar me “shumicë votash” ata që nuk folën 1 herë të vetme për hallet dhe problemet e qytetareve në 4 vjet në Parlament . Primaret e Berishës, ishni një proces i sforcuar, i stisur, i menaxhuar nga shpura e Doktorit, e ndarë në rrethe qysh 1 ditë më parë. Në Fier kishte përplasje mes dy grupimeve, atij të Gaz Bardhit dhe Luan Baçit.
Në Durrës Floriana Garo pothuajse nuk u votua fare, duke marrë vetëm 32 vota. Po ashtu edhe në qytete të tjera, primaret e Berishës, rezultuan se ishin procesi më i dështuar dhe më i manipuluar. Asgjë nuk ndryshoi, asgjë nuk shënoi procesi primareve, “1 anëtar 1 votë” në PD. Në Korçë, Edmond Spaho pothuajse nuk u votua fare, po ashtu edhe emra të tjerë të grupimit parlamentar, që morën pjesë në primare. I ndikuar nga zëra brënda PD-së, Sali Berisha nxitoi dhe organizoi brënda një kohe rekord procesin e primareve, duke e ditur se, me votat e bazës së cunguar kësaj here do të “skartonte” ata që kishte future në “rrethin e kuq” 1 vit më parë. Situate tek Partia Demokratike pas primareve, duket shpërthyese.
Ata që morën pjesë, për herë të parë në primare, dolën të zhgënjyer, dhe as kanë ndërmend të vazhdojnë afrimitetin e tyre tek ajo parti. Realisht PD-ja, pritet të marrë deri 30 për qind të votave në 11 Maj, që është lista e saj e mbyllur në të gjithë Shqipërinë. Primaret, ishin veçse tallja e rradhës e Berishës me ata që pretenduan se “do të jemi kandidatë e rinj”. Gjithë ata që vunë emrin në listën e primareve, ndoshta Berisha do ti përdorë për gjëra të tjera në të ardhmen, por jo për t’u bërë deputetë në 11 Maj.
Një gjë është e qartë. Pas primareve, dhe zhgënjimit që pësuan shumica e atyre që i besuan ato,situata në bazën e PD, pritet të ndryshojë dhe precipitojë negativisht në disfavorin e Berishës.
