Deputeti i PD, Oerd Bylykbashi ka ndjeku nga afër procesin e votimeve për primaret e 6 marsit.
Në një lidhje direkte në studion e lajmeve në Vizion Plus, Bylykbashi e cilësoi si një proces historik.
“Ky është proces historik, është hera e parë që anëtarërt e PD caktojnë kush është kandidati që do garojë për ta dhe jo kryetari me vulën e tij. Është ajo që ne sanksionuam në statutin e 11 dhjetorit me votën e 4436 delegatëve duke miratuar një statut që zgjeroi demokracinë brenda partisë. U dhamë të drejtën e primareve, u dhamë referendumit dhe sot kemi për herë të parë primare të këtij lloji. Kjo ka një vlerë të jashtëzakonshme”, tha Bylykbashi.
Sipas tij, ‘ajo që bën sistemi i primareve ka një virtyt të jazhtëzakonshëm, legjitimitetin e kandidaturave’.
Deputeti demokrat theksoi se pjesëmarrja shumë e larët në këto votime tregon se përçarja e PD është tek figurat drejtuese, por baza ndjek parimet e demokracisë.
“Sot kanë votuar në degën e Durrësit 1546 anëtarë të PD. Është një numë i lartë në krahasim me çdo votim ku ka qenë Basha”, tha Bylykbashi.
