Demokratet përmbyllën të dielën procesin e primareve. Me votën e mbi 55 mijë anëtarëve dhe simpatizantëve përcaktohen kandidatët e opozitës për zgjedhjet vendore të 14 majit.
Në disa prej bashkive procesi është finalizuar. Përveç Shkodrës, me Bardh Spahinë, Elbasanit me Luçiano Boçin dhe Kukësit me Admir Sinamatin, kandidatë pa rivalë në primare, po mësohen edhe emrat e tjerë që do të përballen me socialistët në zgjedhjet lokale.
Në Durrës dhe Korçë do të garojnë përkatësisht ish-deputetet, Igli Cara dhe Ledina Alolli, ndërsa në Vaun e Dejës kërkon të rimarrë bashkinë deputeti Zef Hila.
Gara për Vlorën iu besua Hysni Sharrës, Lushnja Eduart Sharkës, Berati Zija Ismailit, Shijaku Rezart Tushajt, Pogradeci Zini Tollozhinës dhe Vora Indrit Hoxhës, sekretarit për diasporën në PD.
Deri në mbrëmjen e së dielës kanë dalë rezultatet për 29 bashki. Ndërkohë që Shqipëria ka 65 të tilla. Në diferencën e mbetur thuajse nuk ka pasur ‘primare’ fare.
Kandidatet e PD për kryetar bashkie
1. Tepelena Baftjar Imeri
2.Gjirokastër Dorjan Lani
3.Poliçan Behar Xhaferraj
4.Skrapar Eugen Mustafallari
5. Vau Dejës Zef Hila
6. Selenicë Leonard Rakipaj
7.Dimal Gentjan Meçe
8. Roskovec Nerdit Hazizaj
9.Kolonjë Ethem Lumani
10.Shkoder Bardh Spahia
11.Patos Sofie Alushaj
12.Berat Zija Ismaili
13.Mallakaster Resmi Shanaj
14.Memaliaj Albert Malaj
15.Shijak Rezart Tushaj
16.Pogradec Zini Tollozhina
17.Libohovë Adil Xhelili
18.Lushnje Edurat Sharkaj
19.Devoll Elvis Hajdërlli
20.Kurbin Behar Haxhiu
21. Divjakë Aurel Malko
22.Mallakastër Resmi Shanaj
23.Rroskovec Erdit Hazizaj
24.Vorë Indrit Hoxha
25.Korçë Ledina Alolli
26.Vlorë Hysni Sharra
27.Durrës Igli Cara
28.Peqin Mustafa Pashja
29. Kamëz Arjan Hoxha
/a.r
