Kandidati për Primaret në Partinë Demokratike, Julian Deda, ka dhënë një prononcim për mediat menjëherë pas votimit. Ai u shpreh se sot është një ditë feste për Partinë Demokratike dhe një ditë zie për kryetarin e Bashkisë së Tiranës, Erion Veliaj.
“Procesi është i shkëlqyer deri më tani. Ka një pjesëmarrje të jashtëzakonshme në disa degë që të paktën unë kam parë. Dhe sot është një ditë feste për PD, dhe ditë zije për Erion Veliajn. Ditë zie, sepse sot demokratët do të zgjedhin më të mirin edhe më të mirën”, tha Deda.
Ai bëri një thirrje për të gjithë demokratët që nuk kanë votuar ende, që të shkojnë dhe të japin verdiktin e tyre në kutitë e votimit.
“Dhe tani, meqënëse jemi live në të gjitha mediat, kam një thirrje për të gjithë ata që nuk kanë votuar akoma, që janë nisur për të votuar, që e kanë me përtesë apo diçka e tillë, të shkojnë të votojnë, ta shprehin vullnetin e tyre me votë të lirë. Procesi është i shkëlqyer. Të shkojnë te kutia e votimit, të mendojnë dhe në fund të votojnë numrin shtatë. Ju falenderoj të gjithëve. Faleminderit! Fitore!”, perfundoi ai.
/s.f
