Përfaqësues të studiove projektuese kanë prezantuar në një panel të zgjeruar planin e përgjithshëm vendor për rajonin Durrës-Shijak-Vorë.
Ky takim është konsultimi i katërt publik në lidhje me këtë plan. I pranishëm në takim, kryebashkiaku Dako deklaroi se ky është një plan mjaft i rëndësishëm për zhvillimin e qytetit në të ardhmen dhe se implementimi i tij mund të fillojë që në muajin nëntor.
Ai i bëri thirrje grupeve të interesit por edhe qytetarëve që të jenë sa më aktivë në vërejtjet dhe sugjerimet.
Plani, i ndarë në 13 sektorë dhe kapituj, u prezantua nga urbanisti Luciano Aletta, përfaqësues i firmave Dogma Latitude platform, Milano Ingegneria dhe arkitekti Ermal Bleta i Studio B&L.
Dëgjesa përkon me fazën përmbyllëse të këtij dokumenti kyç për zhvillimin përgjatë viteve të ardhshme të qytetit të Durrësit, përpara se të fillojë faza e miratimeve nga institucionet përkatëse dhe të marrë kështu formën përfundimtare për zbatim.
shqiptarja.com/d.i.
