Nëse e keni pyetur veten se pse nuk rikandiduan për kryetar bashkie të Sarandës dhe Gjirokastrës përkatësisht Stefan Çipa dhe Flamur Bime, kjo është për shkak se ata i ka mundur forca e femrës.
Kështu është shprehur Kryeministri Edi Rama gjatë prezantimit të kandidates së majtë për bashkinë e Gjirokastrës Zamira Rami. I shoqëruar edhe nga Kryetari i Kuvendit Ilir Meta, kryeministri Rama tha se forca e femrës dhe integrimi i saj në shoqëri po tregon që Shqipëria është në “Drejtimin e duhur”.
Në këtë kuadër shefi i qeverisë shpjegoi edhe arysen e mos përfshirjes në lista për rikandidim, të Stefan Çipës dhe Flamur Bimes. Sipas Ramës, ata i ‘mundi’ forca e grave.
Rama u ndal edhe tek kundërshtarët e PD, kur tha se përfaqësuesit e djathtë kanë ambicie të valëvitin vetëm flamurin e kësaj force.
“Jemi të bindur që shumica dërrmuese e shqiptarëve na mirëkuptojnë dhe e mirëkuptojnë dhimbjet që shkaktojnë reformat që duhet të ishin bërë vite e vite të tëra, dhe sot janë operacione mbi plagë shumë e shumë më të thella. PSLSI e mbështesin 65 për qind e grave dhe femrave shqiptarëve. Fakti që na mbështesin shumë gra në një shumicë të madhe, tregon emancipim. Ndaj është tamam siç thotë ai poeti i madh për gratë. Dhe pika atyre burrave që rrinë dhe kuvendojnë nën hije. Ashtu sikur dhe Bime dhe Stefan Çipa në Sarandë, duhet ta kuptojnë forca e gruas është më e madhe, ndaj nuk morën dot mandat tjetër. Këto janë shembuj të denjë se jemi në “Drejtimin e Duhur”.”, pohoi kreyministri.
Rama bëri të ditur se Këshill Bashkiak në Gjirokastër, do të jetë i përbërë gjysma nga gratë dhe e vajzave.
“Kënaqësinë e flamurin të PD le ta tundin, por nuk mund të shkojnë votën për shkopin e flamurit, por duke votuar Zamirën. Unë besoj se duke vendosur një grua në krye të këtij qyteti, vendosim jo vetëm një simbol, por një qeverisje dhe marrëdhënie të re. Unë e kam njohur Zamirën për shkak të detyrës si Prefektes, dhe i kam çmuar seriozitetin dhe shpirtin e bashkëpunimit të saj. I kemi dhënë Gjirokastrës të bëj mundësinë e duhur.”, deklaroi shefi i qeverisë.
