Pas sulmit në Siri me 89 raketa Tomahawk dhe paralajmërimeve të forta ndaj testeve raketore të Korsë së Veriut, që u përforcuan me afrimin atje të flotës së SHBA, të gjitha nisën të flasin për një kurs të ri të Amerikës, atë të forcës përballë diplomacisë. Aeroplan-mbajtësja gjigande me të cilën SHBA krenohet, “Carl Vinson”, u afrua ndjeshëm gadishullit korean gjatë ditëve të tensioneve. Kjo u pa nga e gjithë bhota si një mesazh i qartë se tashmë politika e “durimit strategjik” kishte marrë fund dhe SHBA kishte gati planin për sulm ushtarak ndaj vendit komunist.
Por këto iluzione duket se u shuan shpejt. Mediat prestigjoze amerikane kanë zbuluar se flota amerikane në këtë rajon, me në krye aeroplan mbajtësen “Carl Vinson”, kanë udhëtuar për të paktën 1 javë në drejtim të kundërt me vendin që dp të duhej të kërcënonin. Tashmë, anija lundron në destinacionin e cilësuar normal, pranë Australisë.
Çfarë ka ndodhur? Flota amerikane nuk ka kuptuar urdhrin e Shtëpisë së Bardhë apo kemi të bëjmë me tërheqje. Në fakt, siaps rindërtimit të itinerarit nga mediat amerikane, kemi të bëjmë me një “gabim” të pavullnetshëm të stafit të anijes që nxori ‘zbuluar’ presidentin e vetë. Në internet, u publikuan fotot e anijes që kalonte në ngushticën mes ishujve indonezianë Java dhe Sumatra. Por, në fakt në ato ditë, anija ishte duke lunduar shumë më larg zonës në fjalë, çka do të thotë se nuk ishte pranë Koresë./Java/a.m.
