Kryeministri i Kosovës, Ramush Haradinaj, i është përgjigjur kryeministrit të Shqipërisë, Edi Rama, pasi që ky i fundit ka thënë se ai asnjëherë nuk i ka bërë presion kryeministrit Haradinaj për heqjen e taksës për mallrat serbe, transmeton Telegrafi.
Haradinaj tha se ia ka borxh qytetarëve që të tregojë se çfarë po ndodhë.
“Kërkesa që me u pezullu taksa nuk është e re, por qëndrimi im nuk ndryshon. Sa i përket kryeministrit Edi Rama, unë gjithmonë do të tregoj vetëm të vërtetën”, tha Haradinaj në një konferencë për media.
Në një dalje për mediat pas mbledhje së qeverisë së Kosovës, Haradinaj pa dashur të merret personalisht me Ramën tha se u ka për borxh qytetarëve të vërtetën mbi këtë proces kaq të rëndësishëm.
“Për mua shqiptarët edhe të majtë edhe të djathtë janë vëllezërit e mi, ua kam borxh të vërtetën. Atë që ka thënë At Zef Pllumi “Rrno për me tregu”. Do ta tregoj të vërtetën edhe kur i pëlqen edhe kur nuk i pëlqen dikujt. Kam obligim ndaj qytetarëve për një transparencë të asaj që po ndodh. Shyqyr që aty është dikush me tregu të vërtetën”, tha ai.
Haradinaj shtoi se është mirë që ka dëshmitarë rreth kësaj ngjarje.
g.kosovari
