Jo më shifra të çmendura në merkato.
Është ky “kërcënimi” i presidentit të UEFA-s, Aleksandër Ceferin gjatë një bisede të zhvilluar me gazetarët në Monaco.
Kryefjalë ishin blerjet e verës së shkuar dhe shifrat marramendëse që u shpenzuan nga klubet elitare për lojtarë kalibri, si dhe për një çështje më delikate nëse institucioni i UEFA do të ketë kurajon të dënojë ashpër klube që mund të thyejnë edhe rregullat e Fair Play financiar.
Avokati 50-vjeçar që mban postin e Presidentit të UEFA-s që nga viti 2016 u tregua kategorik për Fair Play-in financiar duke deklaruar se do të merren masa shumë të ashpra për të gjithë ata që tentojnë dhe thyejnë rregullat e vendosura.
“Ne nuk mund të jemi një tigër pa dhëmbë.
“Njëherazi ai komunikoi edhe vendimin e Uefas për të implementuar një Luxury TAX për klubet më të pasura që operojnë lirshëm në merkato në mënyrë që të ruhet balanca dhe të krijohet barazi edhe për klubet me buxhet më të vogël.
“Për të evituar që yjet të jenë të aksesueshëm vetëm nga skuadrat elitare europiane.
“Ne duhet të evitojmë që një numër i kufizuar skuadrash të ketë përqendrimin më të lartë të talenteve, duhet ruajtur një balancë e shëndetshme që ky sport të funksionojë më mirë”.- mësohet të ketë thënë Ceferin.
a.ç
