Presidenti i Shteteve të Bashkuara, Donald Trump, ka thënë sot se shumë nga publikimet e dala nga Shtëpia e Bardhë janë lajme të rreme, pas raportimeve në mediat amerikane se dhëndri i tij kishte tentuar të krijonte një kanal sekret të komunikimit me Moskën para se Trump të zgjidhej president i vendit.
Trump u rikthye në Shtëpinë e Bardhë – pas një udhëtimit nëntë-ditor në Lindje të Mesme dhe Evropë që përfundoi dje – për t’u përballur me më shumë pyetje rreth komunikimeve të dyshuara të dhëndrit të tij Jared Kushner dhe ambasadorit rus në Uashington, transmeton Express.
“Është mendimi im se shumë nga publikimet që kanë dalë nga Shtëpia e Bardhë janë gënjeshtra të sajuara të bëra nga mediat e lajmeve të rreme,” ka shkruar Trump sot në Twitter.
Kushner, i cili është i martuar me vajën e Trumpit, Ivanka, kishte kontakte me Moskën në dhjetor në lidhje me hapjen e një kanali sekret të komunikimit, sipas raportimeve në mediat amerikane të publikuara gjatë vizitës së Trumpit jashtë shtetit.
Kushner kishte të paktën tri kontakte të pazbuluara më herët me ambasadorin rus në Shtetet e Bashkuara gjatë dhe pas fushatës presidenciale 2016, kështu kanë thënë për Reuters shtatë ish-zyrtarë dhe zyrtarë aktual amerikanë.
ma.me
