Presidenti i Kosovës, Hashim Thaçi, reagoi sot lidhur me paketën e Ahtisaarit, kur foli për bllokadën që përfaqësuesit serbë po i bëjnë transformimin e Forcave të Sigurisë së Kosovës. Gjatë një konference kushtuar javës së gruas në Kosovë, Thaçi se nuk mund të ketë Veto mbi sigurinë e Kosovës.
“Ne nuk e kemi pranuar dokumentin e presidentit Ahtisari dhe nuk kemi draftuar Kushtetutën tonë që ajo të na bllokojë në progres apo që dikush të vë në veto mbi sigurinë tonë dhe të ardhmen tonë. Veto mbi sigurinë e Kosovës askush nuk mund të ketë”, tha Presidenti Thaçi duke mos i cilësuar pengesë zërat që kundërshtojnë këtë hap.
Bashkësia ndërkombëtare është shprehur fuqishëm kundër idesë së Thaçit për t’ia ndryshuar misionin FSK-së përmes ligjit. Por Thaçi thotë se ideja e tij ka mbështetjen e “shumicës absolute” të kosovarëve. “Shumica absolute e kosovarëve si shumicë ashtu edhe të etnive jo shumicë, e kanë përkrahur këtë propozim por i kemi pranuar edhe një sërë vërejtjesh nga miqtë e Kosovës dhe kontribuuesit kryesorë të lirisë dhe pavarësisë sonë”, tha ai.
“Jam i lumtur që vërejtjet nuk kane të bëjnë me të drejtën tonë që të kemi ushtri apo të mos kemi, a të jemi të sigurt dhe të mendojmë për të ardhmen e sigurt të fëmijëve tanë, por vetëm për metodologjinë dhe kronologjinë e hapave”, shtoi presidenti Thaçi.
a.ç
