Vladimir Putin u takua me Bashar al-Asad në Damask të martën, udhëtimi i dytë i liderit rus në Siri, pasi Moska ndërhyri me vendosmëri në emër të presidentit sirian në një luftë civile.
Vizita vjen në një kohë të tensionit të shtuar rajonal, kur aleati tjetër ushtarak i Asadit Irani ka thënë se do të hakmerret kundër Shteteve të Bashkuara për vrasjen e një gjenerali iranian.
Qassem Soleimani, i cili ishte një nga figurat kryesore në luftën civile në Siri si arkitekt i operacioneve ushtarake iraniane në Lindjen e Mesme, sapo kishte mbërritur në Irak nga Siria kur u vra nga një avion amerikan të Premten në aeroportin e Bagdadit.
Mbështetja ruse dhe iraniane kanë ndihmuar Asadin të fitojë përsëri të gjithë territorin nga rebelët që u përpoqën ta rrëzonin atë gjatë luftës civile që filloi gati nëntë vjet më parë.
Putin i tha Asadit se ishte bërë shumë për të rivendosur shtetësinë Siriane, ndërsa Asad falënderoi Putinin për ndihmën e tij në rivendosjen e jetës paqësore në Siri, njoftoi agjensia e lajmeve Interfax e Rusisë, duke cituar Kremlin. Putin do të vizitojë disa objekte në Siri gjatë udhëtimit, shtoi ai.
Agjensia shtetërore Siriane e lajmeve SANA tregoi një foto të Putinit duke buzëqeshur ndërsa shtrëngoi dorën e Asadit dhe tha se ata kishin dëgjuar një prezantim ushtarak nga kreu i forcave ruse në Siri.
Udhëtimi i mëparshëm i Putinit në Siri ishte në vitin 2017 kur vizitoi bazën ajrore të Rusisë Hmeymim.
(Reuters)
