Ilir Meta, sot largohet nga Presidenca, pas mbarimit të mandatit kushtetues.

Përveç bëmave që ka shënuar në drejtimin e kërij institucioni, Meta do të mbahet edhe si Presidenti më i pasur.

Vettingu politik, ndoshta mund të hidhte dritë, por deri atëherë mund të merren masat për të mos u zënë mat.

Fakti, se si dy persona, Ilir Meta, që ka mbajtur poste të ndryshme shtetërore dhe Monika Kryemadhi si deputete, vetëm me pagat e tyre, u shndërruan në miliarderë, në vendin më të varfër në rajon, mbetet i dyshimtë.

Prona, para në bankë, automjet me vlerë 30 mijë euro, tokë me sipërfaqe 1200m2, kontratë për një apartament me sipërfaqe 317m2, janë këto të dhëna në deklaratën e pasurisë së vitit 2013 për çiftin Ilir Meta dhe Monika Kryemadhi, të cilët në atë kohë, kishin edhe një kredi prej 175 mijë eurosh të marrë në vitin 2010 për një blerje apartamenti.

Një rritje e ndjeshme e pasurisë vërehet në vitin 2014, kur zonja Kryemadhi bëhet pronare me 100% e 13 apartamenteve përfituar nga një kontratë me Agikons në vitin 2008, përcaktimin në natyrë të pjesës takuese për tokën që ajo posedonte.

Viti 2017 përkon me kohën kur Meta dhe Kryemadhi dërgojnë fëmijët për studime jashtë vendit.

Ku për një vit për shkollimin e dy fëmijëve paguajnë  160 mijë euro.

Deri në deklarimin e vitit 2018, sipas disa përllogaritjeve, çifti Meta numëron edhe shtatë apartamente të pashitura nga kontrata e zonjës Kryemadhi dhe më shumë se 100 mijë euro llogari bankare, ata kanë edhe një overdraft me vlerë 2 milionë lekë.

Sot, Meta largohet nga Presidenca, me në pronësi, pavarësisht se e deklaron në emër të Kryemadhit, të vilës luksoze me 11 WC dhe 2000 m2 oborr, për të cilën është raportuar se vetëm mobilimi ka kushtuar mbi 400 mijë euro.

Gjithashtu ka edhe tetë apartamente, tri njësi tregëtare dy garazhe, miliona në llogarinë e tij dhe të bashkëshortes.

Pasuria që “përcjell” Metën si President

Llogari bankare të pagës në shumën 1 066 075 lekë.

Llogari të përbashkët me djalin në shumën, 976 734 lekë.

Të ardhura nga paga si President, në shumën 2 056 000 lekë.

Të ardhura nga dietat jashtë vendit, në shumën 1 200 euro.

Pasuria e deklaruar nga bashkëshortja, Monika Kryemadhi

Apartament banimi me sipërfaqe 99m’ përfituar nga procesi i privatizimit viti 1992, Tiranë.

Apartament banimi me sipërfaqe 75m2 përfituar nga akt trashëgimie nga babai në Tiranë.

Apartament banimi me siperfaqe 66m2, përfituar nga akt trashëgimie nga babai, në Durrës.

Apartament banimi, përfituar me kontratë shkëmbimi me sipërfaqe nëntokësore garazh,  139m2, sipërfaqe banimi 212 m2, sipërfaqe verandë 97m2, në Tiranë.

Njësi tregëtare me sipërfaqe 107 m2, njësi tregëtare me sipërfaqe 63.78m 2.

Njësi tregëtare me sipërfaqe 172m2.

Garazh me sipërfaqe 17m2.

Garazh me sipërfaqe 318 m2.

Apartament me sipërfaqe 69m2.

Apartament me sipërfaqe 103 m2.

Apartament me sipërfaqe 94m2.

Apartament me sipërfaqe 93.5 m2.

Të gjitha pasuritë janë përfituar nga kontrata sipërmarrëse me datë 22.07.2008 pasuar me kontratën e shkëmbimit me datë 23.01.2019.

Apartament banimi në Durrës (Gjiri i Lalëzit) me sipërfaqe  317m2, përfituar nga kontrata e shkëmbimit me datë  21.05.2010.

Tri llogari bankare individuale në shumat, 19 752 euro, 140 000 GPB, dhe 75 710 lekë.

Llogari bankare së bashku me fëmijët, në shumën 3 003 GPB./CNA.al