Javier Tebas beson se Cristiano Ronaldo është i pafajshëm, teksa e ka pranuar se La Liga do të humbiste shumë nëse katër herë fituesi i “Topit të Artë” vendos të largohet.Javier Tebas i ka dal në ndihmë Cristiano Ronaldos, i cili po akuzohet se fshehu 14 milionë euro nga tatimi.
Ai beson se CR7 është i pafajshëm, teksa thotë se do të ishte një humbje e madhe për La Ligan nëse Ronaldo largohet nga Real Madridi.“Duke e ditur mjedisin dhe profesionalizmin që ka, nuk dyshoi se Cristiano është i pafajshëm”, tha Tebas për “La Sexta”.
“Jetojmë në një kohë ku çfarëdo lajmi lidhur me thesarin spanjoll ka të bëjë nxjerrjen në pah të kriminelëve. Nga ajo që kam lexuar jam bindur se këtu nuk ka krim”, shtoi Tebas.
Tebas gjithashtu ka thënë se La Liga do të vuante nëse Cristiano do të vendoste të largohej nga Real Madridi.“Largimi i tij do të ishte një humbje e madhe për ne, një humbje e pariparueshme”, u përgjigj më tej Tebas.
Ronaldo e mbylli sezonin 2016/17 me 42 gola në 46 paraqitje për Madridin, i cili arriti në kuotën e 400 golave me klubin spanjoll, më shumë se 500 në karrierë – teksa theu rekord si lojtari i parë që arrin 100 gola në Ligën e Kampionëve, përgatiti ”Gazeta Express”. (b.an)
