Kryebashkiakja e Kurbinit Majlinda Cara ka falënderuar Presidentin e Turqisë Recep Tayyip Erdogan, i cili do t’u dorëzojë vetë banorëve të Laçit çelësat e shtëpive të reja të ndërtuara si dhuratë nga qeveria turke pas tërmetit të 26 nëntorit 2019.
Në fjalën e saj, kryebashkiakja tha se jo vetëm në Lac por në gjithë Kurbinin, “i cili jo vetëm po ringrihet më i fortë e më i bukur në shembullin e një qyteti të denjë për të jetuar këtu e për të rritur fëmijët tanë, por pse jo do të jetë edhe shembull për qytetet e tjera për transformimin tërësor të tij”.
Cara theksoi se sot pas 2 vitesh është momenti t’i lëmë pas krahëve ato ditë e të themi që u goditëm fort u rrëzuam por ditëm të ringrihemi edhe më të fortë.
Kryebashkiakia deklaroi se ndihemi kenarë që kemi pranë vetes miq të vërtetë si Presidenti Erdogan që nuk na la vetëm atëherë kur kishim më shumë nevojë.
“Të ndihemi kenarë që kemi pranë vetes miq të vërtetë si Presidenti Erdogan që nuk na la vetëm atëherë kur kishim më shumë nevojë”, u shpreh Cara.
“Është nder të mirëpres Presidentin Erdogan në këtë kompleks të rindërtuar nga gërmadhat që la pas tërmeti i 26 nëntorit 2019. Nuk di nëse do të gjej dot fjalët për t’i thënë falënderimet e duhura popullit turk, Presidentit Erdogan dhe të gjithëve. Në emër të qytetarëve dhe banorëve të kësaj lagje të re ju falënderoj nga zemra për bujarinë dhe solidaritetin e treguar në ditët tona më të vështira. Ka pasur një bashkëpunim të shkëlqyer të kompanive shqiptare të angazhuara në ndërtimin e kësaj lagjeje kaq cilësore me kompaninë turke që dua t’i falënderoj për profesionalizmin e saj. Jam shumë i lumtur për të gjitha ato familje që iu riktheu shpresa dhe buzëqeshja dhe do të kenë mundësi të banojnë në këto shtëpi të pakrahasueshme me më parë”, tha Cara.
g.kosovari
