Harry Truman dhe Richard Nixon kanë luajtur në piano e Bill Clintoni në saksofon. John F. Kennedy kërkoi nga poeti Robert Frost që të flasë në ceremoninë e tij inauguruese dhe kishte pritur në Shtëpinë e Bardhë një numër të ansambleve të muzikës klasike.
Jimmy Carter gjatë mandatit si president shumë mëngjese i ka filluar duke dëgjuar për një orë e gjysmë kompozimet e Mozartit, përderisa në mbrëmje futej në botën muzikore të Richard Wagnerit dhe shkonte shpesh në teatër.
Theodor Roosevelt kishte ftuar pianistë e kompozitorë si Ferruccio Busoni dhe Ignacy Paderewski që të interpretonin në Shtëpinë e Bardhë, shkruan DW, transmeton “Koha Ditore”. Gjatë kohës sa ai ishte president i Shteteve të Bashkuara të Amerikës, një artist opere ishte i rregullt në Shtëpinë e Bardhë.
Duke qenë të pasigurt në atë që bënin, zonja e parë Nancy Reagan i kishte sugjeruar bashkëshortit që të këshillohej me mikun e tyre, Frank Sinatra.
George H.W. Bush ka preferuar muzikën “country”. Në rini i preferuari i Barack Obamas ishte Stevie Wonder, përkatësisht lista e tij artistike që përfshinte edhe Marvin Gaye, Bruce Springsteen, Aretha Franklin dhe Kanye West., përgatiti Koha. (b.an)
