Pas një debati televiziv me një brutalitet të pazakontë, fushata presidenciale franceze po prek fundin në një klimë të tendosur.
Gjithmonë në krye të sondazheve një ditë para përfundimit zyrtar të fushatës dhe tre ditë nga turi i dytë, kandidati i qendrës pro-evropiani, i cili ka marrë mbështetjen e ish-presidentit amerikan, Barack Obama, mban mitingun e fundit në Albi (jugperëndim). Rivalja e tij, Marine Le Pen do të marrë pjesë në një festë popullore në një fshat të vogël në veri.
Macron u prit pas mbërritjes së tij në Albi nga 50 aktivistë sindikal që i kërkuan përgjigje për një ligj të kundërshtuar për liberalizimin e kodit të punë.
Le Pen u prit me hedhje vezësh gjatë vizitës në perëndim të Francës me thirrjet “Jashtë fashistët” në hyrje të një ndërmarrjeje të cilën e vizitoi.
Shpifjet, gjatë debatit televiziv, për një llogari offshore në Bahamas, që rivali i saj mund të kishte, të shpërndara masivisht në rrjetet sociale mbështetëse të ekstremit të djathtë, kanë detyruar Macron të depozitojë një ankesë për përhapje të lajmeve të rreme.
Prokuroria e Parisit hapi menjëherë një hetim, veçanërisht për shpërndarje të lajmeve të rreme./b.d
