“Ndiq paranë” thotë shprehja e njohur. Mesa duket kjo duhet bërë edhe për të kuptuar atë që po ndodh me fushatën elektorale të zgjedhjeve presidenciale të vitit 2016 në SHBA. Tashmë në terren kanë zbritur plot 16 kandidatë republikanë dhe 5 demokratë, por gara ka protagonistët e saj. Më i fundit është shtuar në listë zv.presidenti aktual Xho Bajden, gjithsesi duket se emri më i përfolur i Partisë Demokrate është ai i Hillari Klintonit.
Kjo duket edhe nga aspekti financiar i fushatës së zonjës Klinton, ose më saktë nga fondet e mbledhura prej saj. Një vështrim në financat e Klinton, nxjerr pa vështirësi konkluzionin se financa e madhe amerikane është e fokusuar më së shumti tek kandidatura e Hillarit. Bankat e mëdha janë gati të venë bast për të. Me e para Citygroup, pas saj Goldman Sachs, Morgan Stanley, por edhe Merril Lynch e Credit Suisse Groupe, të cilat kanë bërë donacione për zonjën e dikurshme të Parë në vlera që shkojnë nga 700 mijë USD, deri në 543 mijë dollarë.
Përballë saj, kandidati republikan Xheb Bush, vëllai i ish-presidentit Xhorxh Bush, duket tejet “i varfër”. Deri tani ai ka marrë donacione të vogla, ndër të cilat më i madhi është 19 mijë dollarë.
