Në diskutim me krerët e rinj nëpër rrethe të Forumit rinor demokrat, Lulzim Basha ka premtuar se në zgjedhjet e ardhshme, 35 % e përfaqësimit të të djathtëve do të vijnë nga rradhët e të rinjve. Basha shtoi se ka ndërmend që zgjedhjet e kandidatëve për deputet, PD t’i bëjë me primare, si modeli i ndjekur nga dy partitë amerikane.
“Kam vendosur t’i propozoj Këshillit Kombëtar për 35 përqind përfaqësim të të rinjve në zgjedhjet e ardhshme parlamentare. Nuk ju kam dhënë më shumë se ç’ju takon… Nuk do t’i caktojmë, do t’i zgjedhim me debate dhe primare si republikanët dhe demokratët në SHBA dhe do t’i japim Shqipërisë një tjetër leksion demokracie”, u shpreh ai.
Basha ftoi të rinjtë dhe përmes fjalës së mbajtur para tyre gjithë qytetarët për revoltë për atë që e quajti regjim të oligarkëve dhe korrupsionit.
