Dritan Hila ka komentuar protestën e opozitës para Kryeministrisë, për Dritare TV.
Hila tha se protesta nuk kishte pjesëmarrje masive, krahasuar me numrin e mbështetësve që mund të ketë një opozitë e një vendi, ndërsa shtoi se ka një tkurrje të militantëve të Partisë së Lirisë, por po kështu edhe demokratëve që nuk e gjejnë veten të lëvizja e Berishës.
Mos harrojmë që Rama është në mandatin e tretë. Është e pritshme që të ketë reforma, të ketë një ushtrim të pushtetit nga ana e tij, për të bërë si çdo pushtet tjetër që tenton të shkaktojë dhimbje në vitin e parë dhe të dytë, por megjithatë kjo nuk ka arritur të ndezë revoltën e njerëzve.
Nuk ka arritur të ndezë revoltën e njerëzve as publikimi i atyre që opozita i quan skandale. Sepse jo çdo hap që ndërmerr qeveria, është skandal apo vjedhje.
Jo çdo hap apo aksion financiar apo infrastrukturor që ka ndërmarrë qeveria e Berishës ka qenë vjedhje. Kur ti e cilëson çdo gjë vjedhje krijon mosbesim, duke bërë që edhe ato që janë vërtetë skandale financiare, të mos cilësohen si të tillë nga populli.
Ishte qesharake të dëgjoje Ilir Metën të pretendonte që qeverisja e ardhshme do të ishte me duar të pastra kundër korrupsionit, etj etj. Si Metën edhe Berishën, opinion publik i ka dënuar si njerëz të përfshirë në korrupsion. Ka dënuar edhe Ramën, edhe në perceptimin publik akuzohet se qeveria e tij është e korruptuar. Por flitet për qeverinë, jo në mënyrë specifike për Ramën.
Duket që ka një lloj tkurrje të elektoratit të LSI. I ka mbetur vetëm bërthama, që është e lidhur për interesa me Metën. Gjithashtu nuk kemi të plotë elektoratin që pretendon të ketë Berisha. Nuk është e vërtetë që nuk ka elektorat fraksioni zyrtar i PD. Janë më mijëra ata që janë të ftohtë ndaj lëvizjes së Berishës.
Ata e kanë shumë të qartë që lëvizja e Berishës është e dhunshme, parë në planin politik ndërsa parë në planin personal, është për interesat e tij. Si e tillë nuk ngjall asnjë lloj entuziazmi”, u shpreh Hila./m.j
