Tawny Willoughby është 27 vjeç dhe jeton në Alabama. Kohët e fundit publikoi fytyrën e saj shokuese në Facebook, për të paralajmëruar të gjithë publikun në internet për rreziqet që iu kanosën nxirja artificiale me anë të llambave me solar.
Fytyra ishte plot me plagë dhe poshtë fotografisë shkruante mesazhin, “ Nëse dikush ka nevojë për pak motivim që të jetë i kujdesshëm nga llambat e nxirjes dhe rrezet e diellit, ja tek e keni. Mund të prekeni edhe nga kanceri nëse bëni solar”. Selfie e saj iu shpërnda 50 personave. Tawny ka një kancer në lëkurë dhe për ta kuruar iu nënshtruar një sërë trajtimesh, mes të cilëve edhe përdorimin e azotit të lëngshëm që arrin të ngrijë tumoret. Vajza është vlerësuar për bukurinë e saj dhe për zgjedhjen e guximshme, për të denoncuar rastin e saj. Kishte zakon që të bënte llamba 4-5 herë në javë që kur ishte në shkollë të mesme.
I pëlqente që të kishte lëkurën me ngjyrë të errët edhe në dimër, por shpejt e kuptoi se me zakonin e saj mund të shkatërronte jetën. Përpara 7 vitesh u diagnostikua me kancer dhe që atëherë është përpjekur për ta luftuar atë me të gjitha llojet e kujdesit, madje edhe me më ekstremet.
Sot, dëshiron të rrisë ndërgjegjësimin tek njerëzit në lidhje me rreziqet që iu kanosen, kur abuzojë me nxirjen e lëkurës me anë të solarit. Ajo madje ka deklaruar: “Kujdesuni për lëkurën tuaj duke mësuar nga gabimet e të tjerëve. Mos lejoni që nxirja e lëkurës të ju ndalojë që t’i shihni fëmijët tuaj duke u rritur. Kjo është frika ime më e madhe”, apelon Taeny, e cila shpreson që të shërohet. Mesazhi i saj është lexuar nga qindra njerëz.
