Muzikanti i njohur Sam Jayne nuk jeton më.
46-vjeçari, pjesë e grupit “Love as Laughter” ishte zhdukur më 6 dhjetor dhe miqtë filluan një fushatë në rrjete sociale për ta gjetur.
Pas kërkimeve prej 10 ditësh këngëtari është gjetur si përfundim i vdekur brenda në makinën e tij.
Nga hetimet paraprake nuk rezulton të ketë ndonjë shenjë krimi.
Zeke Howard, shok i grupit të Jayne “Love and Laughter”, konfirmoi lajmin në Instagram.
“Sam ynë i dashur nuk është më me ne, por do të qëndrojë gjithmonë në mendjen tonë”.
Jayne ishte gjithashtu edhe anëtar “Modest Mouse” në vitet ’90.
“U prehsh në paqe, Sam”, shkroi Robin Pecknold në Instagramin e tij.
“Ti ndoshta nuk e dije këtë, por për mua keni qenë një hero i pakapshëm dhe frymëzues që preke zemrat e kaq shumë njerëzve që të duan.”
/a.r
