Ndonëse tashmë ndodhet prapa hekurave, bosi i Cosa Nostra, Matteo Messina Denaro mbetet ende protagonist.
Mbi 13 kg drogë përfshirë hashash, kokainë dhe marijuanë, të ndara në pako me foton e mafiozit u sekuestruan nga karabinierët gjatë kontrollit në një magazinë që ishte përshtatur dhe si laborator për paketimin e drogës.
Për ditë të tëra, ushtarakët kishin survejuar hyrjen e magazinës në periferi të Marsala, derisa ndaluan një 28-vjeçar që doli prej ambienteve të saj me më shumë se 50 gramë kokainë të pastër.
Në magazinë karabinierët gjetën lloje të ndryshme droge, mes të cilave pako hashashi me fotot e Salvatore Riina-s dhe personazhit të “Kumbarit”.
Ushtria sekuestroi gjithsej 13 kg hashash, 700 gramë kokainë të pastër dhe 700 gramë marijuanë që ndodheshin në qese të ndryshme plastike.
/a.r
