Kosovarët kanë filluar të braktisin Shqipërinë. Besnik Krasniqi kishte disa mundësi për të vazhduar karrierën në Shqipëri. Por vendosi t’i kthehet futbollit të Kosovës, shkruan Koha Ditore.
Tregon edhe arsyet pse nuk vazhdoi të luante në Superioren e Shqipërisë, që në vitet e fundit është parë si tepër joshëse nga lojtarët kosovarë dhe si “trampolinë” për të dalë në Evropë.
“Pranimi i Kosovës në UEFA dhe FIFA ka ndryshuar gjërat. Klubet kanë nisur të organizohen”, thotë mbrojtësi Krasniqi.
26-vjeçari që së fundi luajti për Flamurtarin e Vlorës, ka firmosur me skuadrën kampione të Kosovës, Ferronikelin. Ai është një prej shumë përforcimeve që ka bërë skuadra nga Drenasi. (b.an)
