Nuk u mjaftonte fakti se ishin grabitës, por dy shqiptarë u përleshën me forcat e policisë italiane kur u prangosën.
Bëhet fjalë për dy të rinj 23 dhe 27 vjeç të cilët akuzohen për vjedhjen e disa banesave në shtetin fqinj.
Gjithçka nisi kur disa patrulla policie u vendosën pranë një banese ku dyshohej se dy shqiptarët kishin bazën e tyre, në Forli. Ndërkohë, dy të dyshuarit ishin të impenjuar në disa vjedhje banesash.
Teksa u kthyen në vendin që përdornin si bazë, efektivët ndërhynë për të ndaluar shqiptarët.
Raportohet se ata bënë rezistencë duke goditur me grushte e shqelma agjentët, në përpjekje për t’u arratisur.
Gjatë kontrollit, dy shqiptarëve iu gjetën bizhuteri të shumta, të dyshuara nga marra nga dy vjedhje të kryera nga ata disa orë më parë. Ndërsa nga kontrolli i banesës, karabinierët gjetën para dhe bizhuteri me një vlerë rreth 10 mijë euro.
/a.rada
