Policia e Tiranës arrestoi një shtetas, i cili kishte shkelur urdhrin e mbrojtjes duke ushtruar dhunë fizike ndaj bashkëshortes dhe fëmijëve.
Në pranga është vënë shtetasi me inicialet A.B., 51 vjeç.
Arrestimi i tij u bë, pasi ky shtetas ka shkuar në banesën ku jeton ajo me dy fëmijët, duke ushtruar dhunë fizike ndaj saj, dhe ndaj 2 fëmijëve.
Bashkëshortja e këtij shtetasi ishte e pajisur me urdhër mbrojtje nga Gjykata, duke qenë se 51-vjeçari kishte ushtruar në mënyrë të përsëritur dhunë fizike e psikologjike ndaj saj.
Materialet iu referuan Prokurorisë pranë Gjykatës së Shkallës së Parë Tiranë, për veprat penale “Dhuna në familje” dhe “Veprime në kundërshtim me vendimin e Gjykatës”.
/a.r
