Policia e Shtetit ka vënë në pranga Tonin Gjinin i cili mëngjesin e sotëm rreth orës 7:30 qëlloi me breshëri kallashnikovi Gjin Markun duke e lënë të vdekur në vend.
Policia ka identifikuar menjëherë pas vrasjes autorin Tonin Gjini 50-vjeç dhe u vendos në ndjekje të tij pasi ishte larguar nga vendi i krimit së bashku me armën.
Ngjarja e rëndë ka ndodhur në fshatin Mërqi, ku viktima Gjin Marku ushtronte edhe detyrën si kryeplak i fshatit. Shkak për këtë vrasje dyshohet se është bërë një konflikt për motive të dobëta mes viktimës, Gjin Marku dhe autorit Tonin Gjini, i cili ishte dhëndërr i familjes së viktimes.
Nga hetimet e policisë thuhet se ngjarja ka ndodhur pas një konflikti ku autori i kishte kërkuar mikut të tij që ti jepte barin që kishte korrur, por kjo nuk është pranuar nga viktima. Në momentin kur ka parë 64-vjeçarin që po mblidhte barin dhe po e ngarkonte në kamionçinën e tij, autori ka marrë armën dhe ka qëlluar në drejtim të mikut të tij duke e lënë të vdekur në vend.
Tashmë i arrestuari do të përballet me akuzat e ‘vrasjes me paramendim’ si dhe mbajtja e armëve pa leje’./l.m
